بقلم مازن الشيخ
اكو حراميه ٣ واحد يبوگ هوش والثاني يبوگ غنم والثالث يبوگ دواب أعلنوا توبتهم گدام الناس...فالناس امنت وخلوا حلالهم يسرح بامان.خذولهم چم يوم ماكو شي اﻻمور طبيعية
وره فتره بعد ماامنت الناس إنباگت هایشه ركضت الوادم على حرامي الهوش التايب حلف الف يمين ما بايگ الهایشه
ثاني يوم انباگت نعجه وابنها هم ركضوا على حرامي الغنم التايب نفس الحجي ونفس الشي هم حلف ما يدري وطلع تايب
ثالث يوم إنباگ من الدواب اثنين ركضوا على حرامي الدواب هم حلف الف يمين مابایگهن
بعدين الشيخ وده رجل من غير قرية يطب وياهم ويشوف شنو السالفه....رجع الرجل اللي وداه الشيخ تدرون شلگه ؟
لگه حرامي الهوش فعلاً تايب من بوگ الهوش بس صاير حرامي دواب وحرامي الدواب صاير حرامي غنم وحرامي الغنم صاير حرامي هوش...يعني مغيرين اختصاصهم ومسوين تحالف جديد على حيله
يعني فقط بس تغيير الاسماء والحراميه نفسهم باقين ويجوز يدورلهم على حيله جديده هسه غير كون اهل القريه
يتوبو وبعد مايثقون بالحراميه
مدري عليمن جبناها
